🔻Бизнес удирдах нь оркестр, жазз хөгжим найруулахтай адил

🎻Оркестр найруулгын тансаг удирдлага дор өөрсдийн хөгжмийн зэмсгийн тансаг яруу дуугаралтыг хоршуулан үзэгч түмэнд хүргэх сонгодог урлаг.

🥁Аялгуу бүр нь хоршил тэмцэл, үзэл баримтлал, өнгө төрхийг өгүүлж авиа бүр нь хөгжмийн чавхдас, даралтаас эхлээд чихэнд хүртэл хэдэн янзаар уянгалах жазз хөгжим.

❓Тэгвэл бизнесийн салбарыг бид энэ хоёр хөгжмийн төрөлтэй харьцуулж ойлгож болно. Яаж гэдгийг уг нийтлэлээс уншицгаая.

📌Orchestration гэж юу вэ? Онцлог нь юу вэ?

Грек хэлний “бүжгийн талбай” гэх утгатай “Оркестр” гэдэг үг нь олон төрлийн хөгжмийн зэмсэг тоглох хөгжимчдийн бүлэг тэдний хоршил найруулгыг хэлдэг. Маш олон төрлийн оркестр найруулга бий. Та бидний мэдэхээр тайз, үзэгч хоёрын дунд удирдаачийн саваа /baton/ барьж зогсох эрхэм, урьдчилан бэлтгэсэн суудалд суун хөгжмийн зэвсэг бүрээрээ ялгаран хэзээ тоглохоо хүлээх хөгжимчдийн бүрэлдэхүүнээр төсөөлж болох юм.

Хөгжимчдийн ур чадвар, удирдаачийн нарийн удирдлага дор эгшиглэх урлагийн бүтээл болсон үзүүлбэр нь бизнесийн ертөнцөд хэрхэн нүдэнд үл анзаарагдах байдлаар илэрч байдагтай танилцъя.

🔻Бизнесийн оркестр нь байгууллагын ажлын зохион байгуулалт урсгал, бүтцийг удирдан чиглүүлдэг стратеги юм. Бүх л төрлийн хөгжмийн зэмсгүүдийг /алба хэлтэс, хүмүүс гэх мэт/ нарийн төвөгтэй хөгжмийн зохиолтой уялдуулан удирдаж тансаг яруу уран бүтээлийг төрүүлэх хэрэгсэл гэж хэлж болно.

❗“Хэрэглэгчдэд үнэ цэн хүргэхийн төлөө олон тусдаа үүрэг, функц бүхий нэгж, бүтээгдэхүүн, үйлчилгээг тодорхой зорилго, стратегийн дагуу уялдуулан зохион байгуулах үйл явцыг хэлнэ.”

Хэмжиж чадвал удирдаж чадна гэдэгчлэн аливаа ажлыг эхлэхээс нь дуусах хүртэл, цаашлаад ямар зүйлстэй холбогдон хэрэглэгчдэд үнэ цэн хүргэхийг харж чаддаг байх нь удирдаач /удирдагч/ хүний гол мөн чанар юм.

Оркестрын удирдаач нь хэмнэл болоод хугацааг харгалзан бусдадаа урьдчилан бэлтгэсэн чиглэлийг өгдөг. Гэхдээ энэ шууд тушаан заах гэхээс илүүтэй хэзээ гэдгийг чиглүүлж, үйлдлийг эхлүүлэх дохиог өгдөгт менежментийн ухаан шингэж буй.

❔Бизнес дэх найрал хөгжмийн "Оркестр" хэрхэн харагддаг вэ?

Зохицуулалт, синхрончлох: Ажлын урсгал, алба хэлтэс хоорондын холбоосыг оновчтой зөвөөр хуваарилах замаар үр ашгийг дээшлүүлж, үр дүнтэй харилцан ажиллах явцыг бий болгодог.

Хянаж, удирдах: Бүх үйл явцыг хянаж, урьдчилсан төлөвлөгөөний дагуу явагдаж байгаа эсэхийг шалгаж, болзошгүй эрсдэл, бэрхшээлийг илрүүлдэг. Шаардлагатай бол таслан зогсоох эсвэл хүч нэмж ажиллах боломжийг удирдана.

Интеграци: Янз бүрийн чиг үүрэг, хэлтэс, баг, технологи эсвэл оролцогч талуудыг нэг зорилго дор нэгтгэж, саадгүй хамтран ажиллах боломжийг олгодог. Хүн бүр нэг зорилгод хүрэхийн тулд давхардал, зөрчилдөөнгүйгээр ажиллах нь оновчтой аргуудын нэг юм болов уу?

Дасан зохицох чадвар: Үйл ажиллагааны уялдаа холбоо, тасралтгүй байдлыг хадгалахын зэрэгцээ дотоод болон гадаад орчны өөрчлөлтөд дасан зохицож, хариу үйлдэл үзүүлэх чадвартай байх. Хамгийн хүчтэй нь биш хамгийн хурдан дасан зохицож чаддаг компаниуд л амьд үлддэг.

Харилцаа холбоо: Байгууллага доторх болон гаднын түншүүд эсвэл оролцогч талуудтай тодорхой, нээлттэй харилцааны сувгийг бүрдүүлнэ. Үр дүнтэй харилцаа холбоо нь оролцогч бүр өөрсдийн үүрэг, хариуцлага, хүлээлтийг ойлгоход чухал үүрэгтэй.

Манлайлал: Оркестрын хүчин чармайлт амжилттай байхын тулд заавар, дэмжлэг үзүүлэх хэрэгтэй болдог. Манлайлал нь хамтын ажиллагааг хөгжүүлэх, өөртөө итгэх итгэлийг төрүүлэх, байгууллагын бүх оролцогчдыг /Stakeholders/ нийтлэг зорилгод нийцүүлэхэд чухал үүрэгтэй.

Удирдаач нэг цэгээс бүгдийг хараандаа байлгаж хэнд ямар давуу тал сул байгааг дүгнэн нэгтгэх чиглүүлэх үүрэгтэй. Удирдлагад байгаа хүмүүс зөвхөн урдхаа харж өөр өөрсдийн чаддаг зүйлээ хийж байхад удирдаач тэднээс хэдэн нүүдлийн цаад талыг харж байх хэрэгтэй. Энэхүү ойлголт нь голдуу дижитал шилжилт дээр хэрэглэдэг ч одоо үед бүх л системийн түвшинд хэрэглэх боломжтой. Бизнесийн байгууллагууд, экосистем бүрдүүлэгчид, класстер бий болгогч цаашлаад улс удирдахад ч хэрэгтэй юм шиг.

🔻Бизнесийн автоматжуулалт нь хувь хүний ажлыг хөнгөвчилж хурдасгадаг бол оркестр нь бүх л ажлын урсгал хоорондын уялдаанд анхаардаг.

📌Жазз хөгжмийн тухайд

Жазз хөгжим нь өнгө аяс, хэмнэл дуугаралт, найруулгаараа тогтсон хэв маягт баригдахгүйгээр шинэ уур амьсгалыг бий болгодог урсгал юм. Яг л стартап шиг. 🤔

Жазз хөгжмийг өөрөөр импровизацийн тоглолт гэж нэрлэдэг ба хэд хэдэн хөгжмийн урсгал, үндэсний уламжлалын хосолмол байдал нь бизнесийн ертөнц тэр дундаа стартапуудын (эхлээд удаагүй байгаа инновацлаг, цөөн бүрэлдэхүүнтэй бизнес) ажиллах арга барилтай дөхөм байж болох юм.

❔Бизнес дэх жазз урсгал нь хэрхэн ажиглагддаг вэ?

Improvisation /Урьдаас төлөвлөөгүй ямар нэг зүйлийг тухайн мөчид өөриймшүүлэн хийх үйл ажиллагаа юм/ : Жазз хөгжимчид ихэвчлэн импровизациар буюу тухайн мөчид дасан зохицож гэнэтийн өөрчлөлтүүдийг бий болгон хамтардаг. Үүний адилаар бизнес менежментэд удирдагчид уян хатан байж empathу /бусдын гуталд өөрөө зогсож мэдрэх/-тай байхыг харуулдаг. Ажилчдыг импровизаци хийх үед нь урам зориг өгөх нь амжилттай ажиллах, инновац шинийг нэвтрүүлэхэд дэмтэй байдаг.

Хамтын ажиллагаа: Жазз нь хөгжимчдийн хамтын ажиллагаанаас ихээхэн хамаардаг. Тоглогч бүр бусдыгаа сонсож, харилцаж, гүйцэтгэлийг унагахгүйгээр зохицлыг бий болгодог. Үүний нэгэн адил бизнесийн үр дүнтэй менежмент нь багаар ажиллах, хувь хүмүүс нийтлэг зорилгын төлөө хамтран ажиллах хамтын соёлыг төлөвшүүлэх явдал юм. Нээлттэй харилцаа холбоог дэмжиж, олон талт байдлыг эрхэмлэх нь илүү сайн шийдвэр гаргах, асуудлыг шийдвэрлэхэд хүргэдэг.

Харилцаа холбоо: Жазз хөгжимчид бие биетэйгээ ихэвчлэн үг, дохио зангаа гэхээсээ илүүтэй хөгжмийн зэмсгээрээ дамжуулан харилцдаг. Үүний нэгэн адил үр дүнтэй менежерүүд өөрсдийн алсын хараа, зорилго, хүлээлтийг багийн гишүүддээ ойлгомжтой, үр дүнтэй хүргэх чадвартай байх ёстой. Биеийн хэлэмж, өнгө аяс зэрэг аман бус харилцааны дохио нь мессежийг үр дүнтэй дамжуулахад чухал үүрэг гүйцэтгэдэг.

Дасан зохицох чадвар: Жазз хөгжимчид янз бүрийн хэв маяг, хэмнэл, хэмнэлд дасан зохицох чадвараараа алдартай. Үүний нэгэн адил амжилттай менежерүүд бизнесийн орчны өөрчлөлтөд дасан зохицож, хариу үйлдэл үзүүлэх чадвартай байх хэрэгтэй. Үүнд зах зээлийн өөрчлөлт эсвэл гэнэтийн сорилтод хариу үйлдэл үзүүлэх, стратегийг өөрчлөх, нөөцийг дахин хуваарилах, зэрэг орно.

Инновац: Жазз бол инновац, туршилт дээр цэцэглэдэг төрөл юм. Хөгжимчид үргэлж хил хязгаарыг давж, шинэ дуу авиа, техникийг судалж байна. Үүний нэгэн адил инновацын соёлыг хөгжүүлж буй бизнесүүд өрсөлдөөнөөс түрүүлж, өсөлтийн шинэ боломжуудыг тодорхойлох магадлал өндөр байдаг. Ажилчдыг бүтээлчээр сэтгэж, шинэ санааг судлахад нь урамшуулах нь шинэлэг инновац, өрсөлдөөний давуу талыг бий болгоно.

Багийн бүх гишүүд хамгийн сайнаараа хичээж нэг нь үйлдэл хийх үед бусад нь дэмжих ухаан гэж бас хэлж болох юм. Бүгд угийн өөрсдийн импровизациараа багаа хөглөж байж л мөрөөдлийн баг бий болно. Хэн нэгэн л орхигдох аваас уран бүтээл үзэгчдэд зорилгоо хүргэх боломжгүй болно шүү дээ.

📌Төгсгөл - Эсрэгцүүлэл ба холилт

Дээрх хөгжмийн урсгалууд нь биднээс өмнө байж л байсан цаашид байсаар ч байна. Бизнесийн ертөнцөд ч мөн адил. Гагцхүү хэлбэр нь өөрчлөгдөн илүү дэвшилттэй болно. Бидэнд бизнесийн талаарх ойлголтын маш энгийнээр мөн ой санамжид хялбар дүрслэгдэж үлдэх биз ээ.

Бүх бизнесүүд эхлэхдээ магадгүй жазз хөгжимчид шиг тал талаасаа нэгдэн нийлж өвөрмөц содон шийдлийг боловсруулан зах зээлд гаргадаг. Гэвч зах зээл нь байнга өөрчлөгдөж байдаг амьд организм учраас бизнес хувьсаж дэвшихийн тулд оркестр найруулгатай ажиллах нь зүйтэй юм болов уу?

/Жазз урсгалаараа ч олон жил оршин тогтнож буй бизнесүүд цөөнгүй/

Дээрх хөгжмийн урсгалыг хооронд жишвэл тодорхой болон тодорхойгүй байдал зааглана.

Харин СТАРТАП хэзээ КОМПАНИ болдог вэ? гэдгийн хариулт нь “Бүх зүйлс тодорхой болох үед” гэж хариулж болох юм.

Дээрх нийтлэлийг уншаад та өөрийн өнцөг санаа бодлоо нээлттэй илэрхийлэх боломжтой шүү.

#Reels are overrated. #Conversation wins #long is not long #less is more

Гэрэл зургийг: Ц.Бат-Оргил